شنبه , دسمبر 16 2017
کور / اسلامي ليکنې / د نجات او بښنې لس سببونه

د نجات او بښنې لس سببونه

کله چې مؤمن انسان په ګناهونو باندې اخته شي د هغې د بښنې او کفارې لپاره لس سببونه دي چې د هغه په وسيله مؤمن له ګناه څخه پاکيږي .

د الله تعالی طرف ته رجوع کول په صدق او اخلاص سره توبه کول ، د ګناه څخه توبه کوونکی داسې دی لکه هيڅ ګناه يې چې نه وي کړې .

د توبه کولو تفصيل دلته وګورئ

http://www.dawat610.com/archives/3994

۱- له الله تعالی څخه د بښنې غوښتل (دعا ) او هغه بنده ته د الله تعالی بښنه کول .

۲- د ښو او نيکو اعمالو تر سره کول ځکه نيک کارونه ګناهونه له مينځه وړي [إِنَّ الْحَسَنَاتِ يُذْهِبْنَ السَّـيِّئَاتِ] ، لکه : پنځه وخته لمونځ ، زکات او صدقات ، روژه ، حج ، جهاد فی سبيل الله ، امر بالمعروف او نهی عن المنکر او نور نفلي عملونه ګناهونه له مينځه وړي .

۳- کوم مسلمان ورور چې د ده د پاره دعا وکړي او د ده په حق کې د هغه مسلمان دعا قبوله شي او د هغه بنده د دعا په وجه الله تعالی دی و بښي .

۴- دا چې کوم مسلمان د ده د پاره خپل نيک اعمال هديه کړي ( ايصال ثواب ) .

۵- دا چې الله تعالی هغه په دنيا کې په بدني ، مالي او د اولادنو او خپلوانو په مصبت باندې مبتلاء کړي ، يعنې په مرض ، غم او هر ډول تکليف باندې مؤمن ته اجر ورکول کيږي چې د ور پيښو مصيبتونو په وجه د ده ګناهونه معاف کيږي او يا د هغه درجې لوړيږي .

۶- که د پورته مراحلو څخه د هغه ګناهونه پاتي شي ، په قبر کې په عذاب اخته کيدل پس په دې وسيله له ګناهونو څخه پاکېدل .

۷- د قيامت په ورځ د رسول الله صلی الله عليه وسلم شفاعت ، د شهيد شفاعت او د قرآن د حافظ شفاعت کول .

۸- الله تعالی هغه د قيامت په ورځ په وېره او ترس کې اچوي او د هغه په وسيله يې ګناهونه تویيږي .

۹- په هغه د ارحم الراحمين رحم کول .

۱۰- پس که څوک د پورته سببونو په وجه بيا هم مراد ته ونه رسيد نو هغه به يوازې خپل ځان ملامت کړي ځکه چې دا د ده د خپلو عملونو ثمره ده ، په قدسی حديث کې الله تعالی فرمايي :

:*إِنَّمَا هِيَ أَعْمَالُكُمْ أُحْصِيهَا لَكُمْ ثُمَّ أُوَفِّيكُمْ إِيَّاهَا فَمَنْ وَجَدَ خَيْرًا فَلْيَحْمَدْ اللَّهَ وَمَنْ وَجَدَ غَيْرَ ذَلِكَ فَلَا يَلُومَنَّ إِلَّا نَفْسَهُ*(المسلم )

يوازې ستاسې د پاره ستاسې عملونه شميرل کيږي او وروسته هغه تاسې درکول کيږي ، پس چا چې خير وموند هغه دې د الله شکر او حمد ادا کړي او که چا د هغه څخه بل څه وموندل د ځان څخه دې بغير بل څوک نه ملامتوي .

نو دا کس به بيا د ګناهونو څخه د پاکېدو تر وخته پورې په دزوخ کې اوسيږي او وروسته به جنت ته ځي .

حسبنا الله ونعم الوکيل نعم المولی و نعم النصير

آن لاين اسلامي لارښود

خپرندوی خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي.
تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *