کور / خبرونه / افغانستان / د وسله وال پوځ د اعلی سرقومندانۍ غونډه جوړه شوه

د وسله وال پوځ د اعلی سرقومندانۍ غونډه جوړه شوه

 د افغانستان د اسلامي جمهوریت د جمهور رئیس محمداشرف غني په مشرۍ د وسلوال پوځ د اعلی سرقومندانۍ غونډې نن مازدیګر د فاریاب، جوزجان، بغلان، نورستان، کابل، ارزګان او فراه ولایتونو امنیتي وضعیت وارزاوه.

 په دې غونډه کې چې په ارګ کې وشوه د یادو ولایتونو د امنیتي وضعیت په اړه له هړاخیز بحث وروسته، د امنیتي حالت د ښه والي لپاره مسوولینو ته لازمې لارښوونې وشوې.

 دغه راز د راتلونکو دریو میاشتو پر احتمالي ګواښونو غور وشو او غونډې د هېواد امنیتي او دفاعي مسوولینو ته  لارښوونه وکړه چې په لازمو تدابېرو او تیاریو د دښمن شوم پلانونه خنثي کړي.

د غونډې په دوام د کورنیو چارو وزارت سرپرست ویس احمد برمک د وږي میاشتې د ۱۷ او ۱۸ نېټې د پېښو په اړه چې د وسلوالو د ډزو  له امله یو شمېر کابل  ښاریان زیانمن شول، راپور  ورکړ. هغه وویل، یو شمېر کسان نېول شوي او د زیاتو څېړنو لپاره لوی څارنوالۍ ته معرفي شوي دي.

غونډې پرېکړه وکړه، هغه کسان چې د وږي دمیاشتې په ۱۷ او ۱۸ نېټه یې وسله پورته کړې او د عامه نظم د اخلال ترڅنګ د عامو وګړو د ځورونې لامل شوي، باید جدي څېړنې ورڅخه وشي او قانون ورباندې تطبیق شي.


Source link

خپرندوی: خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *