چهارشنبه , جنوري 17 2018
کور / خبرونه / نړۍ / فلسطینی میلیاردر په سعودي عربستان کې توقیف شوی

فلسطینی میلیاردر په سعودي عربستان کې توقیف شوی


یو فلسطینی میلیاردر صباح المصري چې د یو ستر پور ورکوونکي عربي بانک رئیس هم دی په سعودي عربستان کې توقیف شوی دی.

ددغه فلسطیني میلیاردر د کورنۍ غړيو او دوستانو د رویترز خبري اژانس ته ویلي چې ښاغلی المصري تیره اونۍ د سعودي عربستان پایتخت ریاض ته د خپل سفر په ترڅ کې نیول شوی او ترې پوښتنې شوي دي.

ددغه میلیاردر د دوستانو او کورنۍ په وینا ټاکل شوې وه چې ښاغلي المصري په ریاض کې د پانگه اچونې د شرکتونو او سوداگرۍ د یوې غونډې مشري وکړي، خو ددې غونډه دمخه هغه نیول شوی دی.

هغوی دا هم ویلي چې ښاغلي المصري د هغه ماښامنۍ میلمستیا لغوه کړې چې ټاکل شوې وه له ریض نه له راتگ وروسته د سه شنبې په ورځ د خپلو دوستانو سره په کې گډون وکړي.

ښاغلی المصري په اردن کې یو مشهور پانگه وال او په هغه هیواد کې د هټلونو او بانکونو مالک دی.

د سعودي عربستان مقاماتو تر اوسه ددې فلسطیني میلیاردر د نیولو په هکله چې د سعودي تابیعت هم لري څه ندي ویلي.

ښاغلی المصري په داسې حال کې نیول کیږي چې په تیره یوه میاشت کې سعودي عربستان په لسگونو شهزاده گان او د هغه هیواد یو شمیر مخکني مقامات چې وزیران هم په کې شامل دي، د اداري فساد په گمان نیولي دي.

دغه توقیفونه د سعودي عربستان د ولیعهد محمد بن سلمان د قدرت د ټینگیدو یوه برخه گڼل کیږي.

ددغو ډله ییزو نیونو دلیل د اداري فساد پر ضد د مبارزې پلټنې ذکر شوی دي او ددغو پلټنو مشري د سعودي د ولیعهد محمد بن سلمان په غاړه ده.


Source link

خپرندوی خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *