پنجشنبه , فبروري 22 2018
کور / اسلامي ليکنې / د سعادت څخه محروم څوک دی ؟

د سعادت څخه محروم څوک دی ؟

۱- محروم هغه دی چې په دنيا کې په غفلت کې ژوند تيروي او په همدې حالت کې مرګ ورته راشي .

۲- محروم هغه دی چې اوږده اوږده اميدونه کوي د دنيا د زياتولو او عيش تمنا کوي، صالح اعمال او اطاعت شاته کوي او وايي چې کله مې عمر په زوال شو هغه وخت به يې تر سره کړم .

۳- محروم هغه دی چې یوازې د الله تعالی د رحمت تمه کوي د هغه د عذاب څخه نه وېريږي (حال دا چې ايمان د رجاء او خوف تر مينځ دی).

۴- محروم هغه دی چې کله د رسول صلی الله عليه وسلم نوم واخستل شي درود ورباندې نه وايي .

۵- محروم هغه دی چې د فتنو څخه عبرت نه اخلي او د منکراتو او ناروا پر واړندې د تغير او کرکې هيڅ احساس نه کوي .

۶- محروم هغه دی چې خلکو ته په ژبه او لاس سره ضرر رسوي او د هغه په وجه خپل نيک اعمال بربادوي .

۷- محروم هغه دی چې دی ګمان کوي ټول سعادت د مال په جمع کولو کې دی نو خپله ځواني ، خپله انرژې او روغتيا په همدې کې صرف کړي او د اطاعت د پاره له ځوانۍ او نه هم روغتيا څه پاتې نشي.

۸- محروم هغه دی چې د دنيا چارې يې داسې مشغول او غافل کړي چې د دعا کولو لپاره وخت نلري حال دا چې دعا د بنده احوال بدلولای شي .

۹- محروم هغه دی چې د خپلو والدينو سره د ښه سلوک او احسان نه کولو په وجه خپل والدين ناراضه او بلاخره خپل رب (جل جلاله ) نا راضه کړي .

۱۰- محروم هغه دی چې د الله تعالی د ذکر څخه غافله وي .

۱۱- محروم هغه دی چې اطاعت کوي خو حسن خلق (د خلکو سره معامله ښه نه وي ) او يا يې اخلاق ښه خو اطاعت يې ناقص وي .

اللهم لا تجعلنا من المحرومين من رحمتك يا ارحم الراحمين

و صلى الله على نبينا محمد و على آله و صحبه و سلم و من تبعهم بإحسان الى يوم الدين

آن لاين اسلامي لارښود

خپرندوی خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *