پنجشنبه , فبروري 22 2018
کور / اسلامي ليکنې / د غير مسلمو نرسنګي کول څه حکم لري ؟

د غير مسلمو نرسنګي کول څه حکم لري ؟

السلام علیکم مولوي صاحب پوښتنه:زه په یوه اروپایی هیواد کې یم دلته راته دغه خلکو [نرسینګ د معاون] په برخه کی د تعلیم زمینه برابره کړې چی پس له تعلیمه به مو وظیفه د [زړو خلکو خذمت اویا هم په هسپتال کی د مریضانو خذمت وي زما مطلب د هغو پالنه به کوو او ساتنه به کوو

د اسلام له نظره دا کار څنګه دی

د ځواب په هیله ….

ځواب

بسم الله الرحمن الرحيم

د غير مسلم سره په لاندې شرايطو کار کول جايز دي .

۱- نومړي کافر به حربي نه وي يعنې د مسلمانانو سره به د جنګ او جګړې په حالت کې نه وي .

۲- نومړی کار به ذاتاً او آثاراً جايز وي حرام به نه وي ، ذاتاً داسې چې په هغه کې شرعي حرمت نه وي لکه شراب ، سود ، غلا ، ظلم ، غصب  وغيره .

او اثاراً دا چې هغه کار به د اسلام او مسلمانانو په ضرر نه وي لکه  : په ټولنه کې د فحشاء خورول ، د بې دينی خورول ، د منکراتو خورول ، کافرانو ته د مسلمانانو جاسوسې کول ، د اسلام او مسلمانانو پر خلاف د کافرانو مرسته کول وغيره چې دا بيا اشد موالات بلل کيږي د ايمان د زوال او ارتداد سبب ګرځي .

۳-  د غير مسلم سره د مسلمان مزدورې او کار کول به د ده دين ته ضرر نه وي مثلاً د لمانځه د قضا کيدو ، يا د جماعت د منع او یا داسې چې په منکراتو حکم ور ته کوي چې ږيره وخريه وغيره .

لنډه دا چې دا کار او مزدورې به د ده دين ته ضرر نه رسوي .دی به د خپل دين شعائر لوړ ساتي او د کافر په مذهبی شعائرو ، عقيدتي امور کې به بالکل کډون نه کوي  .

حنفي فقهاوو هغه کار چې په هغه کې د مسلمان خواري او ذلت وي مکروه بللی دی لکه : د کافرانو پاککاري ، آشپزې ، او نور داسې خدمات چې په هغه کې د مسلمان ذلت وي مګروه دی .

نور تفصيل دلته ولولئ

http://www.dawat610.com/archives/2500

و الله سبحانه وتعالی اعلم

خپرندوی خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *