پنجشنبه , فبروري 22 2018
کور / خبرونه / افغانستان / د ښځو پروړاندې تبعیض، د جمهوررئیس سره تبعیض دی

د ښځو پروړاندې تبعیض، د جمهوررئیس سره تبعیض دی

د افغانستان د اسلامي جمهوریت جمهور رئیس محمد اشرف غني نن مازدیګر  د هېواد د امنیتي او دفاعي ځواکونو په لیکو کې د ښځینه افسرانو سره په یوه غونډه کې وویل: نن یوه استثنایي ورځ ده، ځکه افغان باتورې مېرمنې د افغانستان راتلونکي جوړوي.

دا غونډه چې د لومړۍ مېرمن د دفتر په نوښت په ارګ کې جوړه شوې وه، جمهوررئیس غني ځوانو ښځینه افسرانو ته په خطاب کې وویل، تاسې د هېواد لومړني مدافعین یاست.

جمهوررئیس زیاته کړه:  د افغانستان د امنیتي او دفاعي ځواکونو په لیکو کې تبعیض ځای نه لري او هرڅوک چې د امنیتي او دفاعي ځواکونو په لیکو کې د ښځو پر وړاندې تبعیض  کوي، په حقیقت کې یې له جمهوررئیس سره تبعیض کړی دی.

محمداشرف غني وویل، افغان ښځې تل د جګړې په لومړۍ کرښه کې وې او د هېواد په تاریخ کې هم ښې ځلېدلي دي.

جمهوررئیس له ښځینه ځوانو افسرانو وغوښتل، له خپلو کورنیو څخه چې دوی یې د هېواد د وسلوالو ځواکونو لیکو ته استولي مننه وکړي او زیاته یې کړه، ښځې پر هغو خنډونو چې د هېواد د وسلوال ځواک په لیکو کې د دوی د ګډون مانع ګرځیدل، بریالۍ شوي دي.

جمهوررئیس غني وویل: په هغه محیط چې تاسې فعالیت کوئ، فرصتونو او ستونزې شته او زه باوري یم چې ستاسې هر یو خپل هېواد او خلکو ته د ستر خدمت مصدر ګرځۍ.

جمهوررئیس څرګنده کړه: هغه مبارزه چې تاسې یې نن ورځ د جګړې په لومړۍ کرښه کې کوئ، په پایله کې به یې د افغانستان له پنځو نه تر لسو نسلونه هوساشي او د ثبات او امنیت شرایط به برابر کړي. #


Source link

خپرندوی خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *