دوشنبه , اپریل 23 2018
کور / خبرونه / افغانستان / افغان لوري پاکستان ته د پنځو وژل شوو ملېشه سرتېرو جسدونه او يو بندي سرتېری وسپارل

افغان لوري پاکستان ته د پنځو وژل شوو ملېشه سرتېرو جسدونه او يو بندي سرتېری وسپارل

د خوست ولايت ځايي چارواکي وایي، چې نن غرمه مهال یې له پاکستان سره د تېرې ورځې په جګړه کې د پنځو پاکستاني ملېشه سرتېرو جسدونه او يو بندي ملېشه سرتېری د ځاځي میدان په صفري نقطه کې د پاکستان حکومت ته وسپارل.

د دغه ولايت والي حکم خان حبیبي وايي، د نړیوالو اصولو او انساني کرامت له مخې يې دغه جسدونه او يو ژوندی نیول شوی سرتېری پاکستاني لوري ته سپارلي دي.

پرون د افغان سرحدي ځواکونو او پاکستاني ملېشه سرتېرو تر منځ د ځاځي ميدان ولسوالۍ اړوند سيمه کې څو ساعته جګړه ترسره شوه چې په پايله کې يې پنځه پاکستاني سرتېري، دوه افغان پوليس، دوه د خوست اوسېدونکي ووژل شول، يو پاکستاني ملېشه سرتېری ژوندی ونيول شو او د ځاځي ميدان ولسوالۍ يو شمېر ځايي اوسېدونکي ټپيان شول.


Source link

خپرندوی: خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *