دوشنبه , اپریل 23 2018
کور / خبرونه / افغانستان / په جلال اباد كې سلګونه كيلو ګرامه چرس نيول شوي

په جلال اباد كې سلګونه كيلو ګرامه چرس نيول شوي

د ملي امنيت موظفينو د يوې اطلاع له مخې د ننګرهار د مرکز جلال اباد ښار د شپږمې ناحيې په مربوطاتو كې نن سهار وختي سلګونه كيلو ګرامه چرس ونيول.

د دې ولايت د رسنيو دفتر په خبرپاڼه كې راغلي، چې ۱۸۵۰ كيلو ګرامه چرس په يو هينو ډوله موټر کې په ۹۲ بوجيو كې تر کرش لاندې ځای پر ځای شوي وو.

د سرچينې په خبره، د موټر چلوونکی نجيب الله، چې د لوګر ولايت د ازرې ولسوالۍ اصلي اوسېدونکی دی، نيول شوی او اعتراف يې کړی، چې دغه نشه يي توکي يې له روداتو ولسوالۍ څخه سره رود او خوږياڼو ولسواليو ته لېږدول.

سرچينه زياتوي، نيول شوی تن د ملي امنيت رياست کې تر پوښتنو لاندې دی.


Source link

خپرندوی: خبرخونه

د افغان ويبپاڼې رضا کاره ډلې پرمټ د يوې انلاين خبر خونې په بڼه له بېلابېلو ولايتونو څخه خبرونه او معلومات خپريږي. تاسو هم کولی شئ، چې په کې برخه واخلئ، خبرونه او بېلابېل معلومات خپاره کړئ؛خو له غړيتوب وړاندې د ويبپاڼې تګلاره ولولئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *