کور / خبرونه / افغانستان / پوتين: روسي الوتکه د سختو شرايطو له کبله وېشتل شوې ده

پوتين: روسي الوتکه د سختو شرايطو له کبله وېشتل شوې ده

د روسيې جمهور رييس ولاديمير پوتين وايي، د سوري ځواکونو له لوري د روسي الوتکې وېشتل د سختو شرايطو د ځنځير له کبله ده. دا په داسې حال کې ده چې تر دې وړاندې د دغه هېواد دفاع وزارت اسراييل تورن کړ چې د دغه پوځي الوتکې د وېشتل کېدو عامل دی او مناسب ځواب به ورکړي.
له دې څرګندېږي چې پوتين هڅه کوي د اسراييلو او روسيې تر منځ د اړيکو خړپرتيا او وروستی جنجال يو څه راکم کړي.
پرون د روسيې يوه پوځي الوتکه د سوريې د دفاعي سيسټم په توغندي ولګېده او ټوله عمله يې، چې ۱۵ تنه وو، ووژل شوه.
مسکو په دغه پېښه کې اسراييل پړه وبلل او استدلال يې کاوه، چې اسراييلي جېټ الوتکو له روسي الوتکې د سپر په توګه استفاده کړې او دا الوتکه يې د سوريې دفاعي خط ته برابره کړې ده.
روسيې ويلي و، اسراييلو ته به مناسب ځواب ورکړي.
د روسي پوځ په وينا، ياده الوتکه د سوريې ساحل ته په ۲۳ کيلومټرۍ کې خپلې اصلي اډې ته ستنېدله، چې د توغندي ښکار شوه.

 


Source link

خپرندوی afghans

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *