کور / خبرونه / افغانستان / په راتلونكې وري مياشت كې اماراتو ته د افغان كارګرانو لومړۍ ډله لېږل كېږي

په راتلونكې وري مياشت كې اماراتو ته د افغان كارګرانو لومړۍ ډله لېږل كېږي

د كار، ټولنيزو چارو، شهيدانو او معلولينو وزارت وايي، د راتلونكي لمريز كال په وري مياشت كې به د افغان كارګرانو لومړۍ ډله په رسمي توګه د كار كولو لپاره متحده عربي اماراتو ته ولېږل شي.
سرچينه زياتوي، په لومړۍ ډله كې به ۲۵۰۰ كارګران شامل وي، چې د ازادې سيالۍ له لارې د هېواد له ټولو ولايتونو غوره شوي دي.
د كار، ټولنيزو چارو، شهيدانو او معلولينو وزارت د وياند عبدالفتاح عشرت احمدزي په وينا، په دې بهير كې د هر ولايت كاري ځواك برخه او د فني او حرفوي زده كړو لرونكي كسان د بريا زيات چانس لري.
د اقتصادي چارو شنونكي د ياد وزارت دا پروګرام په هېواد كې د بې كارۍ كمولو لپاره يوه موقتي حل لاره بولي.
د كار، ټولنيزو چارو، شهيدانو او معلولينو وزارت په وينا، پر دې سربېره يې تركيې، سعودي عربستان او قطر هېوادونو ته د افغان كارګرانو د لېږلو په هدف هم له دغو هېوادونو سره خبرې روانې دي او ژر به ورسره هوكړه ليكونه لاسليك كړي.

 


Source link

خپرندوی afghans

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *